Инсон имкон қадар
афсусланишдан йироқ бўлгани
маъқул. Қуйида афсусланиш
жараёнини акс эттирувчи
ибораларни сизлар билан
баҳам кўришни маъқул
топдим:
---Аллоҳ таоло менга кўплаган
имкониятларни ато этди. Аммо,
ўша имкониятлардан унумли
фойдалана олмаганим учун
афсусдаман.
---Ҳар битта буюрилган фарз
амаллари бор, улар вақтида
бажарилмаслиги катта гуноҳ.
Ўша дақиқаларни
кечиктирганим учун
афсусдаман.
---Аллоҳ таоло соғлик ва куч-
қувватни ато этди. Аммо мен
уни кераксиз нарсаларга сарф
этганимдан афсусдаман.
---Илм икки дунё саодат
манбаи. Қадам ўрнида илм
олиб унга амл қилишлик
имкони бор. Ўша илмни
олмаганим учун афсусдаман.
---Ёлғизлик фақат Аллоҳга хос.
Ёлғиз ўтган вақтимга эмас,
кераксиз инсонлар билан ўтган
вақтимга афсусдаман.
---Дунёда энг осон нарса
адашган инсон ҳаётини
муҳокама қилиш. Ўша
инсоннинг Айни пайтдаги
аҳволини тушуниш. Мен
шундай инсонларни ўша
пайтдаги кечинмаларини
фаҳмлай олмаганимдан
афсусдаман.
---Энг осон қилинадиган ва
кечирилиши қийин бўлган
гуноҳ – ғийбатдир. Шу
нарсаларни била туриб,
тилимни ғийбатдан тўхтата
олмаганимдан афсусдаман.
---Мен учун ҳаётда энг оғир
қадри йўқ одамга
айланишдир. Қадрсизланишим
эвазига ҳаёт йўлини ёритган
кимсаларни талай учратдим.
Шу каби одамлар билан дўст
бўлиб кейин изтиробда
қолганимдан афсусдаман…
Ҳаётимизни имкон қадар
афсусланиш жараёнларидан
олисроқда ташкил
қилишликни Яратгандан
сўранаман!